Reforma de piso en rúa Vilagarcia
salón 
vista desde la cocina 
pasillo 
acceso a dormitorio 
estado previo 
proyecto de reforma
equipo
Santos Vila
cliente
Privado
estado
Construido
memoria
Coia, polígono residencial froito do crecemento dos anos 50. Torre de tipoloxía de planta en H con fachada norte e sur. Vivenda de 90 m2, construída ao redor dos anos 70. Encárgannos unha actualización dos espazos para habitar unha parella nova. A vivenda ten unha orientación sur e distribúese co seguinte programa: salón, cociña, tres dormitorios, baño e aseo. Unha distribución en planta correcta, optimizada e que funciona.
O cliente pídenos fundamentalmente dúas cousas, aumento do almacenamento persoal e mellora dos baños. A idea do proxecto é crear unha «banda de Möbius» que delimite os espazos públicos dos espazos privativos e estruture o programa da vivenda.
Esta banda materialízase nunha envolvente na que se dispón cara a unha lado o salón (espazo público) e cara o outro os dormitorios e aseos, espazos privados. A «banda de Möbius» organiza os espazos da vivenda. Coa idea de flexibilizar o uso entre o salón e a cociña, a banda perfórase permitindo a relación visual entre os espazos e se encarta permitindo o contacto directo dos mesmos, convertendo dous espazos nun ou independizándoos, segundo as necesidades do uso.
Para a materialización da vivenda elíxese a madeira como material predominante sendo o material que lle dá o carácter á mesma. O resto de materiais son en cores sobrias: brancos e tons grises. Na execución da vivenda búscase a limpeza dos detalles, a sinxeleza construtiva.